स्वाधीनता दिवस
भारतआव स्वाधीनता दिवसखौ बोसोरखौबो अगस्त 15 खालाराव हारिमु छुटि महरै फालायनाय जायो। बे दिनआ 1947 आव ब्रिटिश सासननि जोबनाय आरो उदां भारतनि दैखांनायखौ दिन्थियो।
स्वाधीनता दिवसखौ भारतनि गासै जायगायाव झेंडा लांबाय, परेडनि अभ्यास आरो भारतनि हारिमु मेथाइ गायनायजों फालायो। रायजोनि राजधानीफोराव सांस्कृतिक हाबाफारिफोरबो जायो। प्रधानमंत्रीआ पुराना दिल्लीनि जारिमिनारि लाल किलायाव झेंडा लांबाय हाबायाव बाहागो लायो, बेनि उनाव ससस्त्र बाहिनी आरो पुलिसनि परेड जायो। बेनि उनाव बियो दूरदर्शनजों देशखौ सम्बोधन खालामो, आगर बोसोरनि फिसा-फिसा सोलायनाय आरो आगामि लक्ष्यफोर फोरमायो। पतंग उड़ायनायबो बे दिननि परम्परा जादों। नई दिल्लीनि सरकारी कार्यालयफोरा बन्द थादोंब्लाबो आलोकित थायो।
प्रधानमंत्रीनि स्वाधीनता दिवसनि भाषणफोर
| 1951 | 1961 | 1971 | 1981 | 1991 | 2001 | 2011 | 2021 | |
| 1952 | 1962 | 1972 | 1982 | 1992 | 2002 | 2012 | ||
| 1953 | 1963 | 1973 | 1983 | 1993 | 2003 | 2013 | ||
| 1954 | 1964 | 1974 | 1984 | 1994 | 2004 | 2014 | ||
| 1955 | 1965 | 1975 | 1985 | 1995 | 2005 | 2015 | ||
| 1956 | 1966 | 1976 | 1986 | 1996 | 2006 | 2016 | ||
| 1947 | 1957 | 1967 | 1977 | 1987 | 1997 | 2007 | 2017 | |
| 1948 | 1958 | 1968 | 1978 | 1988 | 1998 | 2008 | 2018 | |
| 1949 | 1959 | 1969 | 1979 | 1989 | 1999 | 2009 | 2019 | |
| 1950 | 1960 | 1970 | 1980 | 1990 | 2000 | 2010 | 2020 |
स्वाधीनता दिवसनि सोमोन्दै माखासे तथ्यफोर:
1. ब्रिटिश संसदआ जुलाई 5, 1947 आव पास खालामनाय भारतीय स्वतंत्रता अधिनियम, जून 3, 1947 नि माउंटबेटन योजनायाव आधार खालामनायमोन। ऐनआव स्वाधीनतारि खालार अगस्त 15, 1947 होननै फोरमायनायमोन।
2. अगस्त 15 खालारखौ भारतनि जोबथा वायसराय आरो गिबि गवर्नर-जनरल लॉर्ड माउंटबेटनआ सायखियो, मानोना 1945 आव द्वितीय विश्व युद्ध जोबनाय समाव जापानआ मित्र राष्ट्रों की सेनाओंनि आगोलाव समर्पण खालामनायमोन।
3. भारतनि हारिमु झेंडाया दा नुनाय रूपनि आगोलाव गोबां सोलायनाय नायबाय। संविधान सभा नि जुलाई 22, 1947 सभा आव बेखौ आजिरा रूपाव आजावनाय आरो अगस्त 15, 1947 आव सरकारी झेंडा जादों।
4. हुबलीनि कर्नाटक खादी ग्रामोद्योग संयुक्त संघल’ खादी एवं ग्रामोद्योग आयोग (KVIC) आरो भारतीय मानक ब्यूरो (BIS)नि मानदण्ड मथे देशखौ हारिमु झेंडा जोगान होनाय संस्था महरै थिखानाय जादों।
5. जन-गण-मन हारिमु मेथाइखौ रवीन्द्रनाथ टैगोरआ 1911 आव लिरनाय आरो 1950 आव भारतनि हारिमु मेथाइ महरै सरकारी आजावनाय जादों।
6. मुगल समनि लाल किलायाव उदां भारतनि गिबि प्रधानमंत्री जवाहरलाल नेहरूआ 17 खेब हारिमु झेंडा लांबाय। उनाव बिथांनि बिसी इंदिरा गांधीआ 16 खेब बे मान मोनदों।
7. बहरीन, उत्तर कोरिया, दक्षिण कोरिया, लिकटेंस्टाइन आरो कांगो गणराज्यआ अगस्त 15 आव गावसोरनि स्वाधीनता दिवस फालायनाय गुबुन मोनसे देशफोर।
8. गूगलआ 2003 निफ्राय भारत मुखपृष्ठ आव खास डूडलजों भारतनि स्वाधीनता दिवसखौ गोसो खालामो।